SIKU YA MTOTO WA AFRIKA

Ulimwengu umeanza kuonyesha juhudi tele za  kumkomboa dinadam na changamoto zake zinazomkabili katika maisha yake na siku ya leo tutatizama hasa zaidi kuhusiana na kuanzishwa kwa siku ya mtoto wa afrika ikiwa ni moja ya harakati   zinazofanyika ili kumkomboa mtoto kutoka katika unyanyasaji wa aina yoyote na mazingira magumu, anayopitia.

Siku ya mtoto wa  afrika ni siku muhimu kwa watoto ambao huazimishwa juni 16 kila mwaka huku ikiwa na lengo la kutambuaa thamani,utu na umuhimu wa mtoto duniani .Pia siku ya mtoto wa afrika ni sehemu muhimu yenye lengo la kutathimini masuali muhimu ya watoto hasa kupatikana kwa elimu ya watoto wenye ulemavu, wenye vipaji maalum, yatima na wanaoishi katika mazingira hatarishi au magumu ili kuwapatia huduma muhimu katika maisha yao.

Siku hii  kila inapoadhimishwa huambatana maandamano ya watoto, usomaji wa risala zenye ujumbe unaohamasisha serikali kusaidia katika masuala ya elimu pamoja na burudani mbalimbalii.

Sika ya motto wa afrika ilianzishwa  juni 16,1991  baada ya kutangazwa rasmi na jumuiya ya umoja wa afrika ikiwa  ni kumbukumbu ya mwaka 1976 ambapo waandamanaji  wanafunzi wa shule za Soweto afrika  ya kusini  waliandamana kupinga elimu iliyokuwa inatolewa kwa manufaa ya utawala wa kibaguzi wa makaburu.

Maandamano haya yalipokelewa na utawalwa wa kibaguzi ambapo hawakuweza kuwapatia haki zoa walizokuwa wanazidai  na mwisho wa maandamano hayo ilikuwa ni damu kumwagika na vifo vya mamia ya wanafunzi.

Mwaka huu nchini Tanzania  maadhimisho haya yameandaliwa na shirika la planning international na wadau wengine ambapo watoto wa mitaani   walikusanyika na kuandamana katikati ya jiji la dar  es salaam wakidai haki zao kwa jumbe za maandishi.

Ukweli ni kwamba suala zima la elimu kwa watoto pamoja na mifumo inayotumika katika elimu kwa baadhi ya nchi imekuwa na changamoto,mfano kwa wanafunzi wengi  uwezo walionao  wa kufikiri haulingani na elimu walizopata,ama utakuta wanafunzi wangine wameacha shule kwa sababu ya mimba na wengine changamoto za kiuchumi kwa wazazi wao kushindwa kuwasomesha.

Mambo kama hayo sote kwa pamoja kwa kushirikiana na serikali tunapashwa tuonyeshe nia ya dhati kwa watoto tunaowalea na wale wa mitaani kwa malezi yanayostahili na kupigania haki zao za msingi ili siku moja tuje kujivunia kukiona kizazi kilicholelewa katika maadili mema…………..

Watoto wakicheza kwa furaha